Home / Politics / International Politics / America ne roos ko karre ehtasab ki dhamki day di

America ne roos ko karre ehtasab ki dhamki day di

Munich: Amrici naaib saddar Mike Pence ny khabardaar kya hai ke Roos ka kara ehatasab kya jaye ga aur America Moscow ke khilaaf har maidan mein datt kar khara rahay ga.

Ghair mulki khabar-rasan idaray ke mutabiq Amrici naaib saddar ny Germany mein honay wali Munich security conference se khitaab karte hue Europe mumalik ko yaqeen dilaya ke America Nato ki bharpoor himayat karta hai aur is maqsad ke liye apne waday par qaim hai. Unhon ny roos ko dhamki dete hue kaha ke America taraqqi ki nayi rahein talaash kar raha hai lekin roos ka zaroor ehatasab kiya jaye ga.

Amrici naaib saddar ny roos se mutalba kya ke woh 2015 mein Minsk aur Boleros mein honay walay aman maahdon ka ehtram kere aur mashriqi Ukrain mein hukoomat aur Moscow Nawaz baghion ke darmiyan tashadud ke khatmay ke liye apna kirdaar ada kere. Mike Pence ny apne khitaab ke baad German chancellor Angela Markel se bhi mulaqaat ki jinhon ny Nato ko mazboot bananay ke liye America par zor diya.

Wazeh rahay ke Amrici naaib saddar Mike Pence ka ohda sambhalne ke baad pehla ghair mulki dora hai jinhein saddar Donald Trump ki roos ke sath barhti qurbatoon ke baais dora Germany ke mauqa par shadeed tanqeed ka saamna hai.

Comments

comments

Check Also

Nawaz Sharif no one forcing religion not changed

Nawaz Sharif no one forcing religion not changed

Pakistan is in a fight between the forces of law and corruption: Nawaz Sharif no …