Home / Sports / Ghair mulki khilarion ka PSL final Lahore mein khailnay se inkaar

Ghair mulki khilarion ka PSL final Lahore mein khailnay se inkaar

Lahore: Maal road par honay walay khudkush hamlay ke baad ghair mulki khiladion ne Pakistan super league ka final Lahore mein khailnay se inkaar kar diya hai.

PCB ke Chairman Najam Sethi ne kaha hai ke Pakistan ke shaiqeen aur shehri batayen ke kya woh ghair mulki players ke baghair final Lahore mein hota dekhna chahtay hain ya Dubai mein hi final ka ineqad chahtay hain. Aik bayan mein Najam sethi ne kaha ke peer ko Lahore mein honay walay saneha ke baad ghair mulki players ne Lahore mein final khailnay se inkaar kar diya hai, security agencies ne full proof security faraham karne ki yaqeen dehani kerwatay hue faisla shaiqeen par chor diya hai ke aaya woh Lahore mein final ka ineqad chahtay hain ya nahi.

Ilawa azen Punjab ke Wazeer qanoon Rana Sana Allah ne bhi kaha hai ke Lahore mein PSL final ki maizbani keliye poori terhan tayyar hain aur khudkush hamlay ke baad bhi Lahore players keliye mehfooz hai. PSL ki iftitahi taqreeb se qabal Pakistan cricket board ne ghair mulki players se meeting ki thi jis mein inhen Lahore mein final ke hawalay se briefing di gayi thi lekin players is waqt bhi Lahore anay mein hichkichahat mehsoos kar rahay thay. Zaraye ke mutabiq ghair mulki players ne Lahore mein khailnay ko Federation of International Council (FIC) ki yaqeen dehani se mashroot kar diya hai.

Comments

comments

Check Also

Peshawer Zalmi win 2017 pakistan super League

Peshawer Zalmi win 2017 pakistan super League

Peshawar Zalmi the winner of the Super League to Pakistan: Peshawer Zalmi win 2017 pakistan …