Home / Lifestyle / Happy Married Life Ke Liye Biwi Ki Khusi Zurori Hai

Happy Married Life Ke Liye Biwi Ki Khusi Zurori Hai

Khushgawar Azdawaji Zindagi Ke Liye Biwi Ki Khusi Zurori HaiMahireen ka kehna hai ke ‘happy wife se happy life’ ka gehra talluq hai. Kyun kay biwi ki khusi mein hi shohar ki zindagi ka sukh chhupa hai.

Samaji tal’luqaat par mabni risalay ‘journal of marriage and family’ mein shaya honay walay mutalay mein mahireen ne biwi aur shohar ki azdawaji zindagi ki khoshiyon ke miyaar ka science ke buniyadon par tajzia kiya.

Jis ke baad sabit howa ke shadi shuda zindagi ki gari ko track par rakhnay ke liye shohar se ziyada biwi ka khush hona zarori hai.

‘Rutgers University’ aur ‘University of Michigan’ ke shoba socialogy ke Professor ka kehna hai ke.

‘khushaal azdawaji zindagi ke sath lamba safar tey karne walay joron mein infiradi tor par biwi ki khoshion ka palra bhaari tha. Yani happy marriage ke liye biwi ki khushiyan ziyada ahem thi.’

Mohqiqeen ke mutabiq is baat ki wazahat hoti hai ke.

‘azdawaji zindagi se agar biwi khush thi to is ka asar shohar par bhi tha. Yani woh bhi khush tha lekin herani ki baat yeh thi ke yahan shohar ki infiradi khusi koi mai’nay nahi rakhti thi. Ke woh is shadi ke bandhan se kitna khush hai. Ya phir woh apni zindagi se kitna mutma’een hai.

Mahireen ne kaha ke is sachaai ki ek wajah yeh hai ke.

‘jab biwi apni shadi se mutma’een hoti hai to woh apne shohar ki khatir kuch bhi karne ke liye tayyar hoti hai. Jis ka is ki zindagi par misbet asar parta hai.’

Tahaqeeq dano ne 394 aise joron ki maloomat ka muaina kiya. Jo sahet, aamdani aur mazoori se mutaliq 2009 ke ek mutal’lay ka his’sa the.

Aisay jore shadi shuda zindagi ke 39 baras mukammal kar chuke the. Jabkay un joron ki ausatan Umar 60 baras ya is se za’ed thi.

Azdawaji zindagi ke mayaar ki jaanch karne ke liye mohqiqeen ne shurka se kai terhan ke sawalat poche.

Maslan kiya un ka shareek hayaat unhein sar’hata hai. Ya takraar karta hai. Kiya woh un ke jazbaat ko samjhta hai. Ya yeh ke woh un ke asaab par sawaar hai.

Is ke ilawa shurka se tafseeli diary likhnay ke liye kaha gaya. Jis mein unhein yeh batana tha ke guzashta 24 ghantay mein muntakhib gharelo kaam kaaj, kharidari aur TV dekhnay ke doran woh kitna khush rahay.

Mutalay se munsalik afraad ne apni zindagi mein itminan ki darja bandi karte howe ziyada se ziyada 6 mein se 5 number par daira lagaya.

Yahan yeh baat numaya thi ke shohron ne biwiyon ke muqablay mein qadray misbet rating par nishan lagaya tha.

Professor ne bataya ke results se yeh wazeh ho gaya ke.

‘aisay couples jinhne infiradi tor par apni shadi ke mayar ko behtar darjay ka qarar diya tha. Un ki zindagi khusi aur itminan ke sath munsalik thi.’

Professor ke mutabiq.

‘tahaqeeq se yeh bhi maloom howa ke biwi ki khusihyan is waqt kam ho jati hain. Jab is ka shohar bemaar par jaye lekin shohar ki khusi ki satah mein koi tabdeeli waqay nahi hoi. Ishi terhan yahi nateeja is waqt bhi nazar aata hai jab biwi bemaar perhti hai.’

Un ka kehna tha ke tah’qeeq ka nateeja is lehaz se ahem hai. Kyun kay azdawaji zindagi ka mayar barri umar ke shadi shuda joron ki sahet aur Falah-o-Behbod par asar andaz hota hai.

Comments

comments

Check Also

Life Hacks That Make Your Life Easier

Life Hacks That Make Your Life Easier 8 simple Life Hacks That Make Your Life …