Home / Politics / Local Politics / Laal Shahbaz Qalandar Ki Dargaah Mein Dhamaka, 72 Afraad Shaheed

Laal Shahbaz Qalandar Ki Dargaah Mein Dhamaka, 72 Afraad Shaheed

Laal Shahbaz Qalandar Ki Dargaah Mein DhamakaLaal Shahbaz Qalandar Ki Dargaah Mein Dhamaka, 72 Afraad Shaheed

Dadu : Sehwan mein Laal Shahbaz qalandar ki dargaah ke a’hatay mein dhamaal ke mauqa par dhamakay mein 72 afraad shaheed aur sekaron zakhmi hogaye.

Jaan bahaq-o-zakhmion mein khawateen aur bachay bhi shaamil hain.

Jumaraat ke baa’is zaireen ki barri tadaad mazaar mein mojood thi.

Dhamakay ke baad bhagder mach gayi. darjanon zakhmion ki haalat tashweesh-naak hai.

Shehar ke hospitals mein tib’bi sahuliyaat aur ambulance ki kami ke baa’is halakaton mein izafay ka bhi khadsha hai.

Ghair mulki khabar agency ke mutabiq police huk’kaam ne Sehwan ki Laal Shahbaz qalandar dargaah ke ihatay mein zor daar dhamakay mein 72 afraad ki shahadat ki tasdeeq kar di.

Khawateen aur bachon sameit sekaron afraad zakhmi hain. Zakhmion ko hospital muntaqil kardiya gaya.

Imdadi karkunaan aur ambulance ki kami ke baa’is shehrion ne apni madad aap ke tehat private gariyon mein zakhmion aur laashon ko hospital pohanchaya.

Sehwan ke hospital mein doctors aur tib’bi sahuliyaat ki kami ka saamna hai. Army aur rangers ki teams bhi poanch gayeen. Shadeed zakhmion ko deegar qareebi shehron ke Hospitals mein pohanchaya ja raha hai.

Hospital Sehwan ki intizamia ne tasdeeq ki hai ke 50 se zayed afraad ki lashain muntaqil ki gayi hain. Jin mein khawateen aur bachay bhi shaamil hain.

Dhamakay ke baa’is laashon ki haalat inte’hai kharab hai. Shanakht karna bhi mushkil ho raha hai. Darjanon zakhmi bhi hospital laaye gay hain jinhein tib’bi imdaad dainay ki koshishen jari hain.

Dargaah Laal Shahbaz qalandar mein security ke inte’hai naaqis intizamaa the. Walk through gate bhi kharab the. Police ki nafri bhi inte’hai kam thi.

Aini shahideen ka kehna hai ke Laal Shahbaz qalandar ke mazaar par jumaraat ke baa’is khawateen aur bachon sameit hazaron zaireen dargaah mein mojood the.

Maghrib ke waqt dhamaal jari tha ke zor daar dhamaka hogaya jis ki aawaz poooray shehar mein suni gayi. Waqeye ke baad ilaqay mein bhagdar mach gayi.

Muqami Hospitals mein jagah, doctors aur paramedical staff ki qillat ke baa’is zakhmion ko deegar shehron mein muntaqil kiya ja raha hai.

Zakhmi tarap tarap kar mar rahay hain. Hospital hukkaam ki janib se zakhmion ke liye khoon ki bhi appeal ki gayi hai.

Commissionaire Hyderabad ne dargaah ke ihatay mein dhamakay ki tasdeeq karte hpwe kaha hai ke hyderabad, dadu aur Sehwan ke Hospitals mein emergency nafiz kar di gayi hai. Doctors aur paramedical staff ko talab karliya gaya.

 

Comments

comments

Check Also

Nawaz Sharif no one forcing religion not changed

Nawaz Sharif no one forcing religion not changed

Pakistan is in a fight between the forces of law and corruption: Nawaz Sharif no …