Home / Sports / PSL final ke liye security khadshaat hain, Shehryar Khan

PSL final ke liye security khadshaat hain, Shehryar Khan

 

Lahore: Pakistan cricket board ke chairman Shehryar Khan ka kehna hai ke PSL ka final Lahore mein hona bohat bara iqdaam hai jab ke security khadshaat zaroor hain lekin ghutney nahi tekenge aur teamon o shaiqeen ko fool proof security faraham karen ge.

Qazafi stadium Lahore mein PSL final ke liye intizamaa ka jaiza lainay ke baad media se guftagu karte hue Pakistan cricket board ke chairman Shehryar Khan ka kehna tha ke PSL ka final Lahore mein hona bohat bara iqdaam hai, kamyaab ineqad se is ke Pakistan ki domestic cricket par misbet asraat muratab hon ge jab ke event ke kamyaab ineqad se duniya ko acha pegham miley ga aur aahista aahista ghair mulki teamen bhi aana shuru ho jayen gi.

Shehryar Khan ka kehna tha ke Qazafi stadium mein final ke liye tayyariyan takmeel ke marahil mein hain, security khadshaat zaroor hain lekin ghutney nahi tekenge aur teamon o shaiqeen ko fool proof security faraham karen ge. Unhon ney kaha ke final ki ticketon ke liye abhi se bohat rush hai, chand roz mein ticketon ki farokht ka schedule jari kar diya jaye ga, ghair mulki khiladion se guft o shaneed keliye Najam Sethi Dubai mein mojood hain.

 

Comments

comments

Check Also

Peshawer Zalmi win 2017 pakistan super League

Peshawer Zalmi win 2017 pakistan super League

Peshawar Zalmi the winner of the Super League to Pakistan: Peshawer Zalmi win 2017 pakistan …