Home / Sports / PSL final ke online ticket haftay se farokht honay ka imkaan

PSL final ke online ticket haftay se farokht honay ka imkaan

Lahore: Pakistan cricket board ki janib se PSL ke final ke liye online ticketing haftay se shuru kiye Janay ka imkaan hai.

Qazafi stadium Lahore mein taqreeban 25 hazaar tamashaiyon ki gunjaish hai jab ke PSL final ke liye 4 enclosures Imran Khan, Fazal Mehmood, Wasim Akram aur Waqar Younis ki ticket 12 hazaar rupay ki farokht ki jaye gi. AH kardar, Rameez Raja, Javed Miyan Daad or Abdul Qadir enclosures ka ticket 8 hazaar mein farokht hoga jab ke Hanif Mohammad, Majid Khan, Zahir Abbas, Imtiaz Ahmed, Saeed Ahmed, Inzimam Al Haq, Nazar Mohammad aur Quaid enclosures ke liye 4 hazaar ka ticket khareedna hoga taham General enclosures mein dakhla fees 500 rupay ki hogi yeh enclosures Saeed Anwar aur Sarfraz Nawaz ke naam se mansoob hain.

Doosri janib Pakistan super league ke final mein kon kon se players khailnay ayen ge is ki drafting mein bhi takheer hai. 22 feb ki muqarara tareekh ke baad franchise malkaan neh PCB se 26 feb tak ka waqt maang liya hai taakay aik baar phir ghair mulki cricketers se hatmi baat cheet ki jasakay. Malkaan naye khiladion ke naam bhi tajweez karen ge is ke baad inkaar karne walay cricketers ki jagah naye players ki drafting ki jaye gi.

Comments

comments

Check Also

Peshawer Zalmi win 2017 pakistan super League

Peshawer Zalmi win 2017 pakistan super League

Peshawar Zalmi the winner of the Super League to Pakistan: Peshawer Zalmi win 2017 pakistan …