Home / Sports / Test qayadat bhi Sarfaraz ko sonpe jane ka ishara

Test qayadat bhi Sarfaraz ko sonpe jane ka ishara

Lahore: Chairman PCB Shehryar Khan ney Sarfaraz ko test qayadat bhi supurd karne ka ishara dedya.

Lahore mein press conference ke douran chairman PCB Shehryar Khan se sawal kya gaya ke Chief selector Inzimam Al Haq ke baad ab head coach Mackie Arthur ney bhi teeno format ke liye aik hi captain muqarrar karne ki himayat kar di hai, is soorat e haal mein kya Misbah Ul Haq ki rukhsati ka waqt agaya. Jawab mein board ke sarbarah ney kaha kay qaumi test team ke captain se Dubai mein tafseeli mulaqaat hui hai, unhon ney mustaqbil ka faisla karne ke liye 2, 3 haftay mangay hain, un ki barri qadar krta hon, agar woh international cricket khelain ge to wohi test team ke quaid hain, doosri soorat mein teeno format ka aik hi captain banaya jaye ga.

Shehryar Khan ney Sarfaraz Ahmed ka barah e raast naam to nahi liya, taham kehna tha ke mehdood overs ki cricket mein un ko qayadat sonpi jachki jabkay batting mein karkardagi mutasir honay ki wajah se Azhar Ali ney nah sirf one day team ki captani chori balkay test mein naaib captain ka ohda bhi chor chuke hain.

Chairman PCB ney kaha kay Salman Butt aur Mohammad Asif saza bhugat chuke hain aur agar selection committee unhein muntakhib karna chahay to PCB ki taraf se koi pabandi nahi hai, kyunkay Mohammad Amir ke sath yeh dono bhi ICC ki janib se di janey wali saza ki muddat poori kar chukay hain.

Shehryar Khan ney mazeed kaha ke selectors Salman Butt aur Mohammad Asif ke bajaye mustaqbil ki zaroraton ko dekh rahay hain aur peechay murr kar dekhnay ke haq mein nahi, 35 saal ke cricketers ko muntakhib karne ke bajaye Fakhar Zaman , Asif Zakir or Usman Salah uldeen sameit nojawan batsman aur bowlers ko mawaqay dena chahtay hain, board rasmi tor par Salman Butt aur Mohammad Asif ko muntakhib karne se inkaar karde to woh case kar dein ge ke saza poori honay aur clear honay ke bawajood nazar andaz kiya ja raha hai.

Comments

comments

Check Also

Peshawer Zalmi win 2017 pakistan super League

Peshawer Zalmi win 2017 pakistan super League

Peshawar Zalmi the winner of the Super League to Pakistan: Peshawer Zalmi win 2017 pakistan …