Pakish News We are an interactive media group that here a purpose to update users with the latest information. Our mission is to give you knowledge not only about your surroundings. We will also update you around the Globe.
Kabul: Afghanistan ney dhamki di hai ke agar Pakistan ney sarhad paar se golah baari ka silsila band nah kya to usay bharpoor jawab diya jaye ga.
Guzashta roz Afghan media ke mutabiq wizarat kharja ki taraf se jari bayan mein kaha gaya hai ke agar Pakistan ney hamari sarzamen par golah baari ka silsila band nah kya to is ke khilaaf har mumkin taaqat ka istemaal kya jaye ga.
Afghan wizarat kharja mein strategic studies ke director Faramarz Tamanna ka kehna tha ke hamein umeed hai sarhad paar se Pakistan ki janib se hamlay band aur dono mulkon ke darmain taluqaat mamool par ajayeen ge taham agar aisa nah hua to Afghanistan khamosh nahi baithy ga aur Pakistani iqdamaat ke jawab mein androoni, ilaqai aur aalmi taaqat ka istemaal karen ge.
Idhar Afghan wizarat difaa ney Pakistan ko golah baari par khabardaar karte hue kaha kay hamlon ke sangeen nataaij samnay aaskte hain, dono hamsaaya mumalik ko sifaarti koshisho se maslay ka hal nikalna chahiye.
Doosri janib tarjuman Afghan wizarat difaa Dowlat Waziri ka kehna hai ke hum usay aur kuch nahi lekin jarhiyat tasawwur karte hain, maslay ka safarti hal talaash karne keliye koshishen ki jani chahiye lekin agar sifaratkari kaam nahi aati to Afghanistan jawabi karwai ka haq rakhta hai.
You must be logged in to post a comment.