Pakish News We are an interactive media group that here a purpose to update users with the latest information. Our mission is to give you knowledge not only about your surroundings. We will also update you around the Globe.
Ankara: Wazeer e Azam Nawaz Sharif ka kehna hai ke CPEC par maghribi duniya ki saazish nazar aa rahi hai jab ke hamaray khittay ki bhi kuch taqten CPEC ko acha nahi smjhtin.
Ankara mein media se baat karte hue Wazeer e Azam Nawaz Sharif ka kehna tha ke CPEC par maghribi duniya ki saazish nazar aa rahi hai, hamaray khittay ki bhi kuch taqten CPEC ko acha nahi smjhtin, CPEC se Turkey sameit wasti Asia mumalik ko bhi faida hoga aur is hawalay se Turk qayadat se bhi baat hui hai. Unka kehna tha ke Turk saddar ke sath Daaish, muashi taawun aur Afghanistan par baat hui. Pakistan super league ke hawalay se poochay gaye sawal par Wazeer e Azam ka kehna tha ke umeed hai PSL ka final Lahore mein hi karayen ge.
Dehshat gardi ke khilaaf jang se mutaliq Wazeer e Azam ny kaha ke dehshat gardi ke khilaaf hamara azm pukhta hai is liye hamari yeh jang zaroor nateeja khaiz ho gi, hum khittay ko dehshat gardi se paak karna chahtay hain, Peshawar Kabul motorway bana kar Afghanistan mein istehkaam lana chahtay hain, Peshawar Jalalabad high way 75 feesad bana chuke hain, Afghanistan se ilzamaat ki bochhaar hui lekin hum ny Afghanistan ko Imran Khan ki zabaan mein bhi jawab nahi diya, dehshat gardi ke haliya waqeat mein Afghan sarzamen istemaal hui, GHQ bhi riyasat ka idaara hai, Afghan saddar ko GHQ mein briefing dainay mein koi mazayeqah nahi.
Beroon mulk doron par PIA ke jahaaz istemaal karne par Wazeer e Azam ny kaha ke duniya bhar mein sarbrahan mumlikat ke paas barray aur zaati jahaaz hotay hain lekin hum to kabhi kabhar PIA se do teen din ke liye jahaaz maang kar laa rahay hain jab ke mein 12 seaton wala jahaaz istemaal karta hon.
You must be logged in to post a comment.