Home / Politics / Local Politics / (Nawaz) League ke kayi rehnuma PTI mein anay keliye khufia raabtey kar rahay hain, Imran Khan

(Nawaz) League ke kayi rehnuma PTI mein anay keliye khufia raabtey kar rahay hain, Imran Khan

Islamabad: Chairman tehreek insaaf Imran Khan ka kehna hai ke Muslim league (N) ke kayi rehnuma tehreek insaaf mein anay ke liye hum se khufia raabtey kar rahay hain.

Islamabad mein media se baat cheet karte hue chairman tehreek insaaf Imran Khan ka kehna tha ke panama case par aaj phir adalti ikhtiyar par sawal uthaya gaya, (N) league walay jab harnay lagtay hain yeh danday utha lete hain lekin un se kehna chahoon ga ke ab waqt badal chuka hai. Unhon ne kaha ke arbon rupay ki chori mein mulawis shakhs ko bachaya ja raha hai, (N) league chahti hai Nawaz Sharif ko koi haath nah lagaye, wuzraa hakoomati tankhowa par Sharif family ki nokari kar rahay hain aur NAB corruption chupaney ke liye bahanay bana rahi hai jab ke aaj saabit hogaya ke FBR ka chairman bhi corrupt hai.

Imran Khan ka kehna tha ke Ishaq Dar Nawaz Sharif ke liye money laundering karte they, idaron par un logon ne qabza kar rakha hai, qoum ke paas insaaf ke liye Supreme Court hi bachi hai, Nawaz Sharif ke wakeel tota mena ki kahaniyan sunaate hain lekin mottu gang ke paas ab kehnay ke liye kuch nahi. Unhon ne kaha ke Muslim league ke kayi rehnuma tehreek insaaf mein anay ke liye hum se khufia raabtey kar rahay hain. Pakistan super league ke hawalay se unhon ne kaha ke agar ghair mulki cricketer Pakistan mein aye to final acha ho ga lekin mukammal PSL Pakistan mein hona chahiye tha. Imran Khan ne FATA ko Khyber Pakhtunkhwa mein zam karne ka mutalba bhi kya.

Doosri janib chairman PTI ne Charsadah dhmakon ki shadeed muzammat karte hue kaha ke hamlay mein insani jaanon ke zeyaa par bohat afsos hua, Charsadah mein dhamaka nakaam bananay par police ki tareef karte hue unhon ne kaha ke Khyber Pakhtunkhwa mein police ki karkardagi par mujhe fakhr hai, Sindh aur Punjab mein bhi police ghair syasi honi chahiye. Sindh aur Punjab mein bhi KP ki terhan police act nafiz karen jab ke Punjab mein rangers ko lana majboori hai.

 

Comments

comments

Check Also

Nawaz Sharif no one forcing religion not changed

Nawaz Sharif no one forcing religion not changed

Pakistan is in a fight between the forces of law and corruption: Nawaz Sharif no …